Arbeiðs- og brunaeftirlitið skrivar út vinnubrøv grundað á skeið frá veitarum, sum myndugleikin hevur góðkent.
Góðkendu veitararnir eru at finna á løggildingarlistanum hjá Arbeiðs- og brunaeftirlitinum.
Sambært norðurlendskum avtalum skrivar Arbeiðs- og brunaeftirlitið eisini út føroysk vinnubrøv, grundað á tilsvarandi vinnubrøv frá øðrum norðurlendskum myndugleikum.
Vinnubrøv frá londum uttanfyri Norðurlond verða bert umbýtt til føroysk, um hesi fyrst eru góðkend av øðrum norðurlendskum myndugleika.
Arbeiðsumhvørvislógin áleggur øllum føstum arbeiðsplássum ella deildum, har ið 10 fólk ella fleiri arbeiða, at samskipa trygdar- og heilsuarbeiðið á arbeiðsplássinum. Sí vegleiðing um trygdarskipan á føstum arbeiðsplássum her.
Arbeiðsumhvørvislógin ásetur ikki eitt ítøkiligt mark fyri, hvussu tungt ein kann lyfta. Tó sigur lógin, at alt arbeiði skal verða skipað soleiðis, at tað kann útinnast trygdarliga og heilsuliga fult forsvarligt. Tá ið eitthvørt skal lyftast, skumpast ella dragast, er tí neyðugt at hava í huga, hvussu hetta kann gerast á ein hátt, ið er tryggur og heilsuliga forsvarligur.
Arbeiðs- og brunaeftirlitið vísir til fylgjandi vegleiðingar um lyftingar:
Eitt arbeiðsóhapp er, tá ið ein persónur fingið ein skaða í arbeiði fyri ein arbeiðsgevara.
Eitt arbeiðsóhapp skal fráboðast, tá ið óhappið hevur við sær óarbeiðsføri í ein ella fleiri dagar umframt skaðadagin.
